Kya dekhoon jahaan ko mai yaaron, foolon ne mehekna chhod diya.
Baitha joi ashq bahane ko, ashqon ne bhi aana chhod diya.
Mile hume wo har pehlu, jeene ki tamanna sab bankar.
Maut ka bhi karein ab hum kya yakeen, zindagi ne jo jeena chhod diya.
Kab se khada hoon chau-raste par, koi jeeta hua boot hoon jaise.
Dukh dard humesha rehta hai, yahaan se yaaron ne guzarna chhod diya.
Dhoonde kahaan ab kaun kise, kya kare zaraa ab tum hi kaho.
Saanso ki talaash bhi khaak karein, sab khona paana chhod diya.
Muddat se jagi hain ye aankhen, dukhti hai tere hi tabassur ko.
ab raat ki chahat kaise karein, Raaton ne bhi sulana chhod diya.
Baitha maikhane o mehfil mein, rahon me pade jab-jab jo-jo.
Jaamo ka mazaa kya khoob karein, saqi ne jo pilaana chhod diya.
Gumnaam hua badnaam hua, maukon mein humesha nilaam hua.
Thokar khakar baitha jyon hi, kahin aana jaana chhod diya.
Chaha jise poore dil se, wo kehte hain, na gaur karein.
Chand kadam hi naape the, unne toh milne ka thikana chhod diya.
Ek arsa hua kuch yaad nahi, aabaad nahi barbaad sahi.
Dard mitaane ki khatir maine , yaadon ka bahana chhod diya.
Ab kaise kahein unhe hi chahte hain, wo khush hai wahaan kisi aur k sang.
Hum khushi dikhaye lakh magar, tune dil ko toh diwaana chhod diya.
Aankho mein nami nahi thodi bhi, ashqon ne jo aana chhod diya.
ashqon ne jo aana chhod diya...
